A escritora pontesa Medos Romero acaba de publicar ‘A ansia do lóstrego’, un libro denuncia que parte da historia da antiga mina pontesa para reflexionar acerca do expolio e o saqueo dos recursos naturais en todo o mundo.
A obra, escrita en verso e editada por Libos da Frouma na colección Follas Novas, inclúe imaxes do xacemento mineiro realizadas polo fotógrafo pontés Antonio López, que mostran o traballo realizado durante décadas na mina.
«As fotos da mina de Antonio López danlle un contexto á obra e sitúan aos que non coñecen As Pontes», apunta Medos Romero, que subliña a importancia da imaxe nesta obra.