A PRODUTORA galega Agallas convenceu ó Icaa (Instituto de la Cinematografía y las Artes Audiovisuales) para que subvencione parte da súa primeira longametraxe, ‘Lobos sucios’, que recupera un episodio descoñecido da historia galega: a presencia de nazis nas minas de wolframio de Casaio.
‘Lobos sucios’ foi a segunda mellor proposta considerada polo Icaa na lista de películas que, sobre proxecto, recibirán axuda do Ministerio, uns cartos que se outorgan segundo o seu especial valor cinematográfico, cultural ou social, e pola incorporación de novos realizadores; cláusulas, todas elas, que posúe este ‘thriller’ histórico.