A Garda Civil localizou ileso a un lucense que quedara atrapado o xoves pola neve cando conducía o seu vehículo todoterreo por unha pista forestal dos Ancares de León. O rescate produciuse na madrugada de onte con axuda dun tractor.
O home, E.T.N., de 57 años e residente na provincia de Lugo, dirixíase a Campo del Agua dende a localidade leonesa de Cantejeira. Polo camiño viuse sorprendido pola neve, que chegou a acumular ata metro e medio de altura e que provocou que quedara atrapado co seu vehículo, segundo informaron fontes da Subdelegación do Goberno en León.
O centro operativo de servizos da Garda Civil en León recibiu a alerta da súa desaparición o xoves pola tarde a través do Servizo de Emerxencias 112 de Castela e León, tras o que activou un dispositivo de búsqueda no que interviron patrullas dos postos de Villafranca del Bierzo e Cacabelos, o Grupo de Rescate e Intervención en Montaña, con sede en Sabero (León), ademais dun helicóptero da Garda Civil.
