Nos tempos que corren, admite ante descoñecidos que se adica á política ou inventa unha profesión?
Non preciso inventar unha profesión porque eu xa teño a miña. Por outra parte, síntome moi orgullosa do meu compromiso político. Non necesito inventar nada.
Por quen se cambiaría durante un día?
Por alguén con poder para transformar a crise económica en postos de traballo e a desigualdade nunha sociedade xusta.
Cando foi a última vez que lle costou chegar a fin de mes?
Afortunadamente levo traballando 27 anos e non teño cargas familiares, son solteira e sen fillos, polo que non poido dicir que adoite ter problemas para chegar a fin de mes.
As películas, en versión orixinal ou subtituladas?
Nos idiomas que falo, en versión orixinal.
Que tal o seu inglés?
Nivel principiante.
Que aplicación para o móbil lle gustaría que desenvolvesen?
O móbil só o utilizo para falar e ler o correo.
Algunha vez descargou algo de internet sen pagar?
Sempre descargas algo porque hai informacións que non precisan ser abonadas. Si te refires a películas ou música, non.
De que prescindiría antes: teléfono, televisión ou internet?
Tal e como está a televisión nos últimos tempos sen dúbida prescindiría dela.
En que idioma son os seus soños, castelán ou galego?
En galego.
Se ten invitados, que prato non falta nunca?
As ensaladas e as sobremesas.
Na cociña, mete as mans na masa ou prefire delegar?
Sempre coas máns na masa e experimentando novos pratos.
Elixa unha película e a compañía para ir vela.
Unha boa comedia con amigos.
Que momento histórico lle gustaría vivir?
A Ilustración.
Cal espera vivir no futuro?
Nunha Galiza que tome as súas propias decisións.
Intentaron regalarlle un Rolex ou a vostede nin un reloxio de plástico?
Si se refire a un soborno nunca mo propuxeron porque supoño que saben que o denunciaría.
Que é o máis caro que lle regalaron?
Uns pendentes.
Que capricho se permitiría se lle tocase a lotería?
Viaxar a aqueles lugares aos que sempre apetece ir.
Como lle gustaría ser lembrada?
Como unha boa persoa e comprometida con Galiza que fixo todo o que estaba na súa man para transformar unha realidade que non compartía.
Que lle reprocha a súa familia máis a miúdo?
Non son de reproches.
Definición dun día perfecto
O que podo compartir coa miña familia e amigos.
Definición dun día espantoso
Todos aqueles que ao rematar o día tes a sensación de non ter feito o suficiente ou aqueles nos que non está na túa man resolver algún problema.
Conte o momento máis vergoñento que sufrira
Non lembro ningún en especial.
Cal foi a última vez que contou unha mentira, aínda que fose piadosa e a quen?
Non adoito mentir.
Economía
«Levo traballando 27 anos e non teño cargas familiares. Non teño problemas para chegar a fin de mes »
Rolex
«Nunca me propuxeron un soborno porque supoño que saben que o denunciaría»
Historia
«O período histórico que me gustaría ter vivido é o da Ilustración»
