Levan entregadas á música toda unha vida. Moitas horas de estudio, ensaios, concertos... No ano 2008, ademais decidiron apostar por unir a súa paixón común pola disciplina, creando o dúo Dualial.
As vilalbesas Marta Prado e Paula Rouco, ambas profesoras do conservatorio da localidade, foron as encargadas de pechar o II Ciclo de Novos Intérpretes organizado pola Asociación Cultural Banda de Música de Vilalba, cun gran éxito de convocatoria e no que os asistentes puideron disfrutar dun amplo, novedoso, variado e evocador repertorio.