Din que xuntando grans de area se poden mover montañas. E incluso cordilleiras enteiras. Tapón a tapón cámbiase o mundo, polo menos para algúns, a través dun movemento solidario que demostra que aínda nas situacións económicas máis difíciles as cousas sempre poden trocar de cor.
O vilalbés Adrián Chao loita aos seus catros anos cunha grave enfermidade, unha doenza que obriga aos seus pais a afrontar unhas terapias desorbitadas para os petos de moitas familias. Pero non están sós. Hai unha longa cadea detrás.
