O xornalista Fernando Ónega continúa coa promoción do seu libro 'Puedo prometer y prometo', xa na novena edición
1. ¿Que é o que máis lle gusta e lle desgusta do seu traballo?
O que máis me gusta é ter este traballo que teño. O que menos, ver que hai tanto paro na profesión. Ademais, eu estou facendo tantas cousas que empezo a pensar se podo estarlle quitando o emprego a alguén...
2. Se volvese empezar, dedicaríase a...
Dedicaríame a unha profesión eterna: ‘gilipollas’, ¡todos triunfan! Pola rúa non fago máis que escoitar: «¿Ves que coche ten ese ‘gilipollas’?, ¿ves que muller ten ese ‘gilipollas’…?».
3. O soño que máis se repite é...
Se estou durmindo, trátase dun pesadelo: que empezo un telediario sen guión nin saber nada de que vai. E cando estou esperto soño que arreglei a casa de Mosteiro.
4. ¿Estraña algo do que foi deixando atrás?
¡Os anos!
5. ¿A quen admira?
Deus non está mal, pero o demo ten o seu mérito...
6. ¿Hai algo do que se arrepinta que se poida contar?
Do mal que o fixen, hai anos, cunha moza de Lugo que se me escapou.
7. ¿Votou nas últimas eleccións?
Si.
8. ¿Atrévese a dicir a quen?
Pois non.
9. ¿Que cita subscribiría?
A da célebre pensadora Yola Berrocal: «Acabaremos nadando en la ambulancia».
10. ¿Que coche ten?
Un Volvo, ao que eu chámolle ‘volviño’.
11. ¿Cal foi o capricho máis caro que mercou?
O matrimonio.
12. ¿Cal é o seu ben material máis prezado?
A biblioteca.
13. Unha toleada que fixera por amor.
Casarme, ¡e fíxeno ata dúas veces!
14. ¿Hai algo que non lle perdoaría a súa parella?
Que se metera monxa.
15. ¿Teñen algún pacto?
O mesmo que teño co dentista: «Non nos imos facer dano, ¿verdade?».
16. ¿Envéxalle algo ao outro sexo?
Nada. O meu, para a idade que ten, creo que tampouco está mal.
17. ¿Que libro ten enriba da mesiña de noite?
Nigún.
18. Non sae da casa sen...
Zapatos.
19. ¿Que pecados capitais desculpa?
A preguiza.
20. Algo que nunca falte na súa neveira.
Unha empanada de Mosteiro. O resto de cousas xa as pon a miña dona.
21. Pérdeo un bo...
Polbo. Á feira tampouco está mal...
22. Unha prenda que deteste.
Se quen a leva é un home, o tanga.
23. As súas mellores vacacións foron...
Sempre as vindeiras.
24. A súa viaxe soñada sería a...
O Camiño de Santiago.
25. ¿A paisaxe que máis o impresionou?
O corpo desnudo dunha muller.
26. ¿E a súa materia pendente?
Ser bispo de Mondoñedo.
1. ¿Cre que o expresidente Adolfo Suárez será un dos poucos políticos deste país que se recorde como honesto?
Hai moitos honestos, a maioría. O que non hai son moitos que fagan o que deben: ter unha idea de nación, ser xenerosos co adversario, explicar ao pobo o que fan, sacrificar os seus intereses e saber irse cando se teñen que ir. Iso fíxoo Suárez e ninguén repetiu.
2. Con tantos libros sobre el, ¿que lle descobre no seu ao lector que non soubese xa?
Parece que bastante, porque o libro vai a tres edicións por mes. Revela a intimidade daquel milagre chamado transición e faille xustiza a un home que foi moi martirizado.
3. De analista a políticos, permítase darlles algún consello.
Un: ningún de vostedes ten a verdade absoluta, fagan o favor de escoitar as razón dos demais. E dous: non gobernan ou fan oposición para medrar vostedes, están aí para resolver os problemas da xente.
4. ¿España segue a ser un país ou está desestruturada?
Desestruturada aínda non, pero leva ese camiño, nos eidos territorial, económico e social.
