O recinto feiral Manuel Vila de Muimenta terá hoxe un sabor especial coa celebración da XXI Festa da Filloa, un día dedicado integramente a honrar este prato de tempos inmemoriais e a aquelas que se encargan de preparalo.
crese que as orixes da filloa, palabra de orixe grega, se remontan a época romana. Auga, ovos, sal e fariña son os ingredientes básicos na preparación deste postre tradicional da zona noroeste de España, ós que logo se lle poden engadir mil variantes, tanto na propia elaboración coma despois, á hora de saborealo.
E son moitos os que se animan a probala neste 1 de maio, algúns ininterrumpidamente dende o ano 1992, na festa que o pobo de Muimenta lle dedica á filloa, esa «vella amiga» -como reza a ‘Oda á Filloa’ de Marica Campo-, que «vén das mans das avoas das nosas avoas... fino corpo lixeiro, leite e fariña triga, para ti a nosa festa, para ti as nosas loas».
