Ramón Cordido, deseñador gráfico e autor do cartel da Festa do Ourizo de San Cibrao, que terá lugar o 15 de marzo
O cartel obtivo o segundo posto no concurso de carteis de festas gastronómicas celebrado en Xantar. Imaxino que contento.
Si moito, era a primeira vez que o Concello concorría a este certame e un segundo posto está moi ben. Faime moita ilusión que sexa o cartel que eu deseñei o que representa a esta festa non só a nivel local, senón ao resto dos sitios onde se vaia promocionar a festa. Eu son veciño de Cervo, aínda que por motivos laborais resido en Santiago.
Como xurdiu a idea deste deseño?
Cando a concelleira de turismo, Begoña Alonso, me pediu que fixera o deseño eu pensei en destacar o que significa para Cervo esta festa, de Interese Turístico Galego, e traballei sobre esa idea, que se identificara coa nosa festa.
