O concurso de tapas ‘Que bo estás Guitiriz!’, promovido polos propios hostaleiros da localidade, celebrarase do 7 ao 17 de marzo nun total de 19 establecementos de Guitiriz, Pardiñas, Os Vilares e Parga.
As diferentes propostas gastronómicas, entre as que figuran pratos con polbo, carne ou chipiróns, ademais dunha clara aposta polos produtos da comarca, poderanse degustar de luns a venres de 20.00 a 23.00 horas, e os sábados e domingos de 12.30 a 15.00 horas e no mesmo horario vespertino.
