Premio excesivo

Os éxitos deportivos de seleccións constitúen a mellor inversión turística para un país. É imposible de cuantificar, pero a vitoria nun campionato mundial de fútbol representa unha gran promoción, de aí que sexa desexable que continúen os triunfos futbolísticos. Tamén é certo que gratificar os obxectivos entra dentro da normalidade; pero de aí a que os xogadores españois sexan os mellor pagados se gañan a copa non parece lóxico, aínda que non estiveramos en crise. Que á parte do bo soldo que teñen por participar neste evento deportivo leven 720.000 euros por barba se quedan primeiros parece excesivo, sobre todo tendo en conta que é o dobre do que recibirán os alemáns polo mesmo trofeo, que xa está ben como premio. Aos futbolistas incomódalles que se dean a coñecer as cifras, porque non aguantan comparacións neste país de millóns de parados; pero é ben sabelas.