Unha trintena de veciños das Pontes participaron onte nos xardíns do Campo da Feira nunha homenaxe para conmemorar o 64 aniversario do pasamento de Alfonso Daniel Rodríguez Castelao.
O acto, organizado dende hai máis dunha década pola delegación da Mesa pola Normalización Lingüística das Pontes, celebrouse no busto que recorda a figura do político e escritor de Rianxo no municipio.
A homenaxe arrincou ás 12.00 horas cunha lectura dun dos contos de ‘Cousas’, recitado por Mónica Dasilva, a presidenta da Mesa pola Normalización Lingüística das Pontes.