Centos de rapaces dos distintos colexios da comarca chairega e arredores conmemoraron os pasados 21 e 22 de marzo o Día da Árbore e da Auga, grazas a unha actividade proposta pola Deputación Provincial. Esta iniciativa, que suma cada vez máis colexios e alumnos, pretende transmitirlles aos nenos a necesidade de preservar o medio ambiente, comenzando sempre polo seu hábitat máis próximo.
Nesta ocasión, doce colexios da zona secundaron dende as aulas a proposta do ente provincial e participaron activamente na celebración desta festividade mundial. Entre as actividades máis destacadas, a lectura simultánea do libro de contos ‘Viaxe polos ríos e árbores dos Ancares’ foi unha das que mellor acollida tivo.
