O catedrático de Historia da Universidade de Santiago de Compostela (USC), Pegerto Saavedra Fernández, ingresou onte na Real Academia Galega (RAG), arroupado por numerosos persoeiros da cultura galega, ante os que leu o seu discurso ‘Demarcacións, topónimos, papeis, memoria. Sobre a división e o control do territorio na Galicia moderna’.
Un discurso que o novo académico iniciou cunha evocación do seu antecesor na cadeira, o catedrático de Xeografía na USC Francisco Río Barja, discípulo do ilustre Otero Pedrayo e continuador da súa obra de análise científica da xeografía galega.
