Pedro Murias ensina a combater ás velutinas a 40 apicultores

Corenta apicultores de Galicia e de Asturias acodiron onte a unha xornada gratuíta e aberta ao público sobre a importancia das abellas na natureza, no sector agrícola e tamén na alimentación, que se celebrou no Centro de Formación e Experimentación Agraria Pedro Murias. Un dos aspectos centrais do seminario, que concitou o interese dos asistentes, foi a aprendizaxe sobre como combater á vespa velutina, cuxa invasión é cada vez máis preocupante sobre todo na Mariña lucense.