A PANDEIRA volveu ser protagonista esta fin de semana en Piornedo, un dos lugares emblemáticos do municipio de Cervantes que reuniu músicos chegados das tres provincias que comparten a paisaxe e a tradición lendaria dos Ancares.
Conta Juanjo Fernández, o responsable musical desta cita coa cultura oral que vén de celebrar a súa oitava edición, que a Festa da Pandeira comezou a xeito dunha polavila das de antes, á vontade da gana de tocar, de cantar e de bailar dos numerosos asistentes.