A actriz e directora teatral Paloma Lugilde dirixe, entre moitas outras cousas, o grupo de teatro Zampalladas da Pastoriza dende hai tres anos. Estes días, o elenco de afeccionados estreará a obra ‘Lixístrata’. Farao en Muimenta o sábado, e o vindeiro día 28 en Rábade.
traslada a súa paixón polo teatro por todos e cada un dos recunchos da provincia nos que llo permiten. Paloma Lugilde, directora do grupo de teatro de afeccionados Zampalladas da Pastoriza, entre moitas outras cousas, ultima os preparativos para levar a peza ‘Lixístrata’ a percorrer distintos puntos do contorno, coma Muimenta -o sábado, ás 22.00 horas na casa da cultura- ou Rábade -o día 28, ás 20.30 horas-, despois dun exitoso debut no salón de actos do consistorio pastoricense.
Cando comezou o seu interese pola interpretación?
Dende moi pequeniña, os primeiros pasos dinos realmente no mundo da danza, e foi máis tarde, xa cando estudaba a carreira, que empecei no teatro independente na Universidade da Coruña (UDC).
Como foron os inicios?
O principio foi no teatro universitario en Títeres sen cabeza, un grupo da UDC. Eu estudaba Dereito. O voltar a Lugo, empecei a
