En toda España hai unha vintena de artesáns que se adican de xeito legal a elaborar utensilios de cociña de madeira. Un deles está en Quiroga, chámase Pablo Rodríguez González e, como non podía se doutra forma, traballa coa madeira das oliveiras que medran na comarca.
O QUIROGUÉS Pablo Rodríguez González é un experto na reciclaxe de coñecementos. Aos seus 44 anos é artesán da madeira e propietario da empresa Armaior, pero os seus inicios laborais estiveron vinculados ao traballo nas pizarreiras.
Como xorde Armaior?
Como empresa nace no ano 1999, pero foi un pouco froito da casualidade e das circunstancias. O meu pai era carpinteiro, pero eu sempre traballara nas pizarreiras. Na década dos noventa, o meu irmán e máis eu comezamos a restaurar a casa familiar que temos na Toca, no municipio de Quiroga, e tamén por aquelas datas fixemos un curso de restauración de mobles. Entre unha cousa e outra, comezamos a preparar algún moble de madeira para a vivienda e vimos que o traballo se nos daba ben. Cando nas pizarreiras comezou a faltar tarefa, montamos a empresa e centrámonos no moble tradicional de castaño.
Como foi a experiencia?
Bastante ben, de feito a empresa é
