A vila de Sarria xa está inmersa oficialmente nas festas patronais de San Xoán. O pregón do empresario Raúl López marcou o inicio duns festexos que tiveron como protagonistas neste arranque a dous novos cabezudos. As figuras do Tamborileiro e a Tamborileira municipal -baseadas, respectivamente, nos deseños de Avary dos anos 50 e na recente creación de Rubén Santiago- viviron un multitudinario bautismo na praza da Constitución.
Os novos cabezudos, elaborados pola asociación Crearte, presentáron en público con motivo de San Xoán, acompañados dos xigantes e demais figuras para animar aos veciños a participar nas festas.
