sábado. 06.06.2020 |
El tiempo
sábado. 06.06.2020
El tiempo

Os sacrificios, que os asuman os demais

CADAQUÉN ten a súa receita coa que arranxar os problemas do país, pero ningunha é máxica para cambiar a dinámica; de feito, a idea beneficiosa para un colectivo pode ser contraproducente para outro. Por iso, cando un banqueiro nun alarde de imaxinación lle reclama ao goberno unha profunda reforma na sanidade e nas pensións, tanto os enfermos como os que aspiran a xubilarse, ou sexa, case todos, poden botarse a tremer. Non debía pensar o mesmo este banqueiro hai non moito cando miles de traballadores de banca deixaban de traballar con 50 ou poucos máis anos grazas aos impostos de todos. E a bo seguro que este banqueiro terá garantida unha boa xubilación, ao mellor similar ás multimillonarias que hai pouco transcenderon no sector que entre todos temos que reflotar sen que se vexan beneficios para os cidadáns. É moi doado pedir sacrificios aos demais pero sen asumilos un.

Os sacrificios, que os asuman os demais
Comentarios