Rosa Lage, axente de emprego de Xove, que difunde unha campaña para usar o galego no comercio
En que consiste esta campaña?
É unha campaña subvencionada pola Secretaría Xeral de Política Lingüística que xa fixemos o ano pasado centrada no deporte, na que tratabamos de fomentar o uso do idioma entre os nenos e adolescentes que, falando galego, cambian ao castelán cando se lles fala en castelán.
E a deste ano?
Enfocámola á área do comercio e da empresa para potenciar o uso do galego mantendo o idioma aínda que se dirixan a nós en castelán e tamén utilizalo como lingua comercial e empresarial.