O xurado do 37º Certame de Debuxo Infantil sobre o Nadal, convocado polo centro cultural José Domínguez Guizán de Begonte, decidiu outorgar premios a 16 escolares de distintos centros da provincia, que recollerán os seus galardóns este sábado, a partir das 17.00 horas, durante os actos de clausura do belén electrónico begontino. Os primeiros premios están dotados con 60 euros e trofeo e os segundos, con 30 euros e trofeo.
Na categoría A, para nenos e nenas ata dez anos, os primeiros premios foron para David Cendán Cruz, de Begonte; Celia Reino Reigosa, de Lourenzá, e David Ramil Rodríguez, de Foz.