XOSÉ MARÍA VIGO é un veciño de Rubián ao que a crise económica lle cambiou por completo a vida. Despois de levar unha granxa de porcino, fai case tres anos quedou no paro e tivo que buscar unha nova actividade. A escultura en pedra foi ó primeiro coma un pasatempo, pero vai camiño de convertirse nun modo de vida.
Como comeza Xosé María Vigo a esculpir?
Fai case tres anos quedei sen emprego, traballaba nunha granxa e fun ao paro. Daquelas fixen unha viaxe a Barcelona e estiven no parque Güell e noutros puntos da cidade. Quedei impresionado pola obra de Gaudí, tanto polo propio parque coma polas casas que fixo. Quedoume iso dentro e cando volvín non me resistín a probar o mundo da escultura.