miércoles. 15.07.2020 |
El tiempo
miércoles. 15.07.2020
El tiempo

El rey de las pujas

Salustiano (á dereita), na poxa que organiza dende hai 60 anos nas festas de Pontoibo. antón ferreiro
Salustiano (á dereita), na poxa que organiza dende hai 60 anos nas festas de Pontoibo. antón ferreiro

«Á de unha, á de dúas e á de tres, vendido». Son as verbas máxicas que cada ano Salustiano Ameneiro, máis coñecido como Salustiano de Pontoibo, pronuncia dende o escenario, ao modo de colofón dun ir e vir de prezos cantados dende a distancia nunha cita con tradición e a piques de desaparecer na Galicia rural, as poxas, que na parroquia pontesa de Pontoibo existen, din os máis maiores, dende 1750.

Salustiano, ós seus 91 anos e a piques de cumprir os 92, é todo un experto do arte de poxar, é o rei das poxas de Pontoibo tras seis décadas animando a veciños e visitantes a subir o prezo anterior, dende que colleu a testemuña do seu primo. «O ben aprendido non é esquecido», apunta este home enérxico, mentras subliña a clave do éxito: comezar con prezos baixos.

«Se se poñen moi altos de entrada a xente non lle sube, por eso hai que comezar despacio e ir animándoos, porque a xente ás veces é un pouco lenta e estamos poxando máis de tres horas seguidas», comenta. Pero tarde o que tarde, lonxe de queixarse ou mostrarse cansado, Salustiano mantense ó pé do cañón.

A súa experiencia, este ano organizou a poxa número sesenta, refórzase coa súa forza e a súa capacidade de animar entre bromas e sorrisos a tódolos presentes ata conseguir que paguen ben por calquera dos produtos que entran na poxa, nunha ofrenda a San Vicente e á parroquia, xa que todo o recaudado destínase a cubrir os gastos da festa ou a facer arranxos.

Os máis novos, cada vez menos, presencian a poxa entre sorrisos por unha tradición que se mantén viva e o abraio por algo case descoñecido para eles, que descubriron nunha posición máis cómoda e solitaria, a través da pantalla do ordenador nun mundo paralelo como Ebay no que a golpe de click un pode obter un reloxo de Estados Unidos ou un mp3 de Singapur en menos dunha semana.

En Pontoibo, lonxe de tecnoloxías, imaxes e ordenadores, a tradición manda e os compradores ven o producto e non fan click, berran o que están dispostos a pagar, entre unha oferta amplia que pouco ten que envidiar a do mundo virtual -orellas de porco, unllas, ovos, mel, patacas, chourizos, viño, cabezas de cocho, coellos, galiñas e mesmo cadros ou reloxos de punto de cruz, así como roscóns ou outros doces-, esperando que Salustiano lles dedique a frase: «Á de unha, á de dúas e á de tres. Vendido».

O recaudado nas poxas destínase a cubrir os gastos da festa, pagar ás orquestras ou a facer arranxos na parroquia

El rey de las pujas
Comentarios