Despois de 25 anos de historia, chegou o momento de innovar. A celebración da tradicional Feira do Porco da Ceba de Cospeito estará acompañada nesta ocasión por unha actividade paralela que a bo seguro fará as delicias dos veciños e visitantes que, durante estes días, decidan achegarse ata Feira do Monte.
O Concello, coa colaboración de oito locais de hostalería da vila, puxo en marcha o pasado día 23 unha iniciativa gastronómica encamiñada a dinamizar o sector e a potenciar a utilización do porco nas comidas, coincidindo ademais coas tradicionais matanzas.