Preto dun cento de traballadores do cadro de persoal da firma Arteixo Telecom, localizada no polígono industrial de Penapurreira nas Pontes, celebrou onte unha mobilización fronte á sede da Consellería de Economía e Industria en Santiago de Compostela.
Esta convocatoria silenciosa e pacífica partiu co obxectivo de «solicitar á Xunta de Galicia a súa intervención nas negociacións coa empresa para que a actividade industrial poida seguir desenvolvéndose con normalidade», segundo apuntou o presidente do comité, Manuel Torres.
