Un grupo de 24 alumnos de 1º da Eso do colexio El Casal de Castellar del Vallés de Barcelona visitaron o Muíño de Corvite, en Abadín, nunha excursión programada dentro do proxecto educativo intercultural Galauda, patrocinado pola Xunta de Galicia, a Generalitat Catalana e a Universitat de Barcelona.
Este colexio entrou a formar parte da iniciativa grazas ás inquedanzas culturais e lingüísticas da súa mestra Alicia Rus, catalana de nacemento e galega de corazón. «Mi padre es de Moncelos, siempre vengo en cuanto tengo oportunidad, y aunque no he nacido aquí amo esta cultura y por eso quise transmitirles a mis alumnos el respeto por Galicia», sinala.
Deste xeito, os escolares recibiron ao longo do curso unha hora semanal de lingua e cultura galega, «con la que pudieron percibir que la diversidad lingüística e histórica es un bien imprescindible», argumenta Rus.
