O catálogo ‘Instantes na memoria:fotografías de Salvador Castro Freire (1869-1952)’, que reúne 233 fotografías, dez negativos e 42 imaxes de estereoscopio, foi presentado onte nun acto presidido polo delegado provincial de Cultura, Mario Outeiro, e que contou coa responsable do volume, María Quiroga.
O catálogo ten a súa base nunha exposición fundamentada nestas pezas que se desenvolveu no verán de 2011 no Museo Provincial de Lugo. O volume contén imaxes catalogadas dende 1896 -como é o caso da clausura do Congreso Eucarístico- e ata 1930.
