O locutor pontés Xosé Cendán conmemorou os 24 anos de historia da radio local das Pontes cun programa dun día. Fronte ao micro, e nunha xornada maratoniana sen tregua que arrincou ás 00.00 horas do luns e rematou hoxe pasada a medianoite, entrou no Guinness tras superar o récord actual, a entrevista dun australiano da cadea ABC que conversou coa mesma persoa, un escritor, durante 24 horas.
No aniversario de Radio Eume participaron máis de 300 voces, que ante o micro na cabina ou por teléfono dende a distancia, responderon ás preguntas do que foi a primeira voz que se escoitou nas ondas pontesas e a que segue a manter viva a programación diaria.
