A exposición ‘De onte a hoxe: lembrando o pasado’ clausurouse onte con sesións de contacontos e lecturas de poemas, logo de seis días aberta nos que o público puido ver as preto de 350 reseñas de libros infantís e xuvenís que elaboraron os escolares de Viveiro e Xove.
Esta mostra, enmarcada no Plan de Mellora de Bibiotecas Escolares (Plambe), estaba na sala de exposicións do consistorio. Alí, en distintos paneis clasificados por cores distintas correspondentes a cada centro, estaban as creacións dos alumnos da escola infantil San Roque, os colexios Lois Tobío, Pedrosa Latas, de Covas e Pedro Caselles Rollán de Xove, ademais das dos institutos María Sarmiento e Vilar Ponte.