O IES da Terra Chá José Trapero Pardo de Castro conmemorou o Día Internacional do Consumidor con diferentes actividades sobre consumo responsable, que implican os distintos departamentos e o alumnado.
A ponencia Comercio xusto, consumo responsable, impartida por A Cova da Terra, á que asistiron os alumnos de terceiro da Eso e de Economía de 1º de BAC serviu para inaugurar un ciclo de charlas nas que tamén se abordará a linguaxe publicitaria, da man da Escola Galega de Consumo, e a banca ética, con Triodos Bank.
Ademais, os alumnos de Tecnoloxía Industrial de 2º de BAC falarán cos de primeiro ciclo de Eso sobre a Problemática, consecuencias e accións individuais a tomar ante o problema do consumo e do lixo, mentres dende o departamento de orientación convocan o concurso 2º Vida, para fomentar a reciclaxe.
