É unha cuestión de ambiente, de bo ambiente. Os que levan toda a vida acudindo cada primeiro fin de semana de agosto ao pé do balneario da fonte de Santo Domingo, sábeno. Os que acudiron este ano por primeira vez, ratifícano. «Hai un ambiente incríble» din. É o Festival de Pardiñas que, con 34 edicións ás costas, segue a ser a grande Feira e Festa da Música e da Arte.
Onte era un gran día para a Mostra de instrumentos da música tradicional, porque nesta fin de semana celebra o seu vixésimo aniversario, porque conta coa presenza de 30 obradoiros (máis ca nunca), porque estreaban localización, ao pé da igrexa, porque lles deu por rifar instrumentos entre os asistentes, unha iniciatia cunha gran acollida por parte do público, ou porque tiñan como pregoeiro ao investigador Pablo Quintana.
|
Consiga AQUÍ la información completa |
