Rapa de Candaoso. A rapa das bestas de Candaoso, que se celebra dende o ano 1968 nos montes do Buio e Lerín, en Boimente (Viveiro), volveu demostrar o poder de convocatoria dun espectáculo tan antigo como a historia do home. Miles de persoas da comarca e moitos turistas non perderon a oportunidade de ver esta loita corpo a corpo.
a loita entre o home e o cabalo tivo onte a súa meirande expresión na rapa das bestas de Candaoso, na parroquia viveiresa de San Andrés de Boimente. Unhas 350 cabezas de gando de pura raza galega baixaron ó curro dende os montes do Buio e Lerín a primeira hora da mañá para a rapa e para a marcaxe.
