O sindicato CSI-CSIF de Alcoa alertou na asamblea de traballadores celebrada na mañá de onte da posibilidade de que a Unión Europea non acepte que o Goberno español subvencione a tarifa eléctrica reducida para a planta, o que levaría á multinacional a devolver os cartos recibidos, «o que nos podería colocar na mesma situación de crise que os asteleiros, co perigo de perda de postos de traballo», según aseverou o portavoz da central sindical, José Manuel Piñar.
A cuestión xa foi motivo de análise entre o comité e a dirección «e foi a propia empresa a que esixiu contar co respaldo de Bruxelas, xa que non quería ter sorpresas coma en Italia, onde se viu obrigada a aboar unha importante cantidade de cartos. Neste caso, están confiados en que a cousa vaia para adiante e non cren que haxa problema, e nós temos que crer á empresa», afirman dende a UXT o sindicato maioritario.