O centro neurálxico da parroquia de Silva

Andión é o núcleo no que se concentra o maior número de habitantes da parroquia polense de Silva. Converteuse no motor da volta, ao albergar puntos de congregación veciñal como o campo da festa ou a única taberna da zona

Nun contorno natural, rodeado polo cauce do río Azúmara, atópase o barrio de Andión, pertenecente á parroquia polense de Silva. Un conxunto de casiñas familiares feitas con lousa conforman este núcleo de poboación tipicamente gandeiro. Aínda que pola súa situación xeográfica non estea no centro da parroquia, Andión é o centro neurálxico de Silva, onde fai décadas os veciños se reunían para pasar a tarde xogando a partida e compartindo lembranzas na taberna Casa Pepe.

Comentarios