‘Dreamland’, a nova serie de Mediaset que Cuatro estreará en marzo, é tamén a terra dos soños para o actor, cantante e bailarín Xoán Fórneas (Lugo, 1993). Con tan só 20 anos, o aínda estudante de Arte Dramático en Madrid, afronta moi «ilusionado e contento» o que é o primeiro grande proxecto da súa carreira.
A ficción arrinca coa selección de alumnos para un novo curso académico na escola de novos talentos máis esixente da capital española. Unha escola cun sistema académico innovador, onde os alumnos pagan a súa estancia a través de diferentes traballos sociais e por cuxas aulas e clases maxistrais crúzanse as vidas de estudantes e profesores.
