A unión entre o PSOE e Udival, co apoio do BNG,fixo que o rexedor popular deixe a alcaldía, pero el mostrase orgulloso do seu traballo á fronte do Concello e recoñece que o bipartito non lle ofrece moitas garantías dende o momento que hai un pacto económico polo medio.
AÍNDA TIÑA ILUSIÓN, pero iso non lle abondou ó rexedor popular do Valadouro, José Manuel Lamela, para manterse á fronte da alcaldía. Un goberno en minoría desgastouno e a presión da oposición ante a imposibilidade de sacar adiante os seus proxectos, e sobre todo, a actualizar os presupostos, levárono a presentar unha cuestión de confianza que rematou coa súa saída do poder.
Afronta con certa pena o relevo na alcaldía?
Con pena, si, porque estaba a gusto, con ilusión.
A touro pasado, optou pola mellor opción?
Se cheguei á cuestión de confianza, algo que aínda ninguén o dixo claramente, foi porque chegou un momento no que o Concello era ingobernable. Por que? Porque temos uns presupostos do 2009, e cuns presupostos así, coa cantidade de cousas que hai sen consignación presupostaria non se pode traballar.
