O xoves Galicia terá unha xornada de transición cara á influencia anticiclónica que se dará nos vindeiros días. Así, comezaremos a xornada con intervalos de nubes baixas que irán desaparecendo co avance do día.
Na provincia de Lugo aínda quedará certa inestabilidade que podería deixar algún chuvasco illado e ocasional.
Bos días! Hoxe temos o paso dunha fronte pouco activa con chuvias intermitentes e descenso das temperaturas máximas
— MeteoGalicia (@MeteoGalicia) June 2, 2021
☀️A partir de mañá iremos recuperando a influencia anticiclónica en #Galicia, con tendencia a tempo seco, de sol e máis calor.#FelizMércores #FelizMiércoles pic.twitter.com/9nXSmo5C8v
As temperaturas mínimas descenderán lixeiramente, mentres que as máximas non terán cambios significativos. O vento soprará frouxo de compoñente norte, con intervalos de moderado nas Rías Baixas.
