Carmen Varela, directora do grupo de teatro creado polos usuarios de Aspanane que hoxe actúa en Alfoz
Como se sinten tras acadar o terceiro premio do concurso de proxectos de educación viaria de Tráfico?
Para eles e para min, a nivel profesional, facer un traballo e ver esta recompensa faiche ilusión. É incríble, foi unha grata sorpresa. Xamais imaxinei que íamos ser seleccionados e menos que conseguiríamos o terceiro premio do concurso.
Ensaian moito?
Agora non, porque xa están máis soltos. Notouse unha gran evolución desde o principio. Se se equivocan, tiran para diante.
Como directora, que supón?
Despois de tanto traballo e do esforzo de varios meses é algo moi positivo ver que se recoñece a túa obra con uns rapaces que o colleron todo con moita ilusión e ganas.