A asociación veciñal, cultural e deportiva dos xogos tradicionais de Muimenta Xotramu organiza o próximo domingo, día 1 de xuño, a sexta edición da Festa de Xogos Tradicionais, unha cita que contará coa participación de máis de 3.000 persoas de dentro e fóra de Galicia.
Os xogos tradicionais serán os grandes protagonistas da xornada, que terá lugar entre as 11.00 e as 20.00 horas no recinto feiral Manuel Vila de Muimenta.
