Notas, compases, pentagramas, instrumentos, melodías e ritmo encheron cada recuncho da Praza 28 de Maio de Rábade para dar a benvida as ducias de persoas que se achegaron ata o lugar para disfrutar do primeiro festival de bandas que organiza a asociación Músico Crisanto, que é a encargada de sacar adiante a Banda Municipal Xuvenil Rábade-Begonte.
O acto contou como invitados coas agrupacións musicais das Pontes e de Meira, ademais do actor Manu Fernández, coñecido polo seu papel de Milucho na serie da TVG ‘Libro de familia’, como presentador e encargado de dar a coñecer aos presentes o curriculum dos directores e o repertorio que ía interpretar cada banda.