A Acia vicedense está capitaneada por unha muller con moita ilusión por facer cousas novas en beneficio de todo o comercio do municipio. Seguirá con iniciativas da antiga directiva, como as rutas gastronómicas, pero ten en mente moitos outros proxectos.
a asociación de comerciantes, industriais e autónomos do Vicedo vén de renovar a súa directiva, na que entra directamente á cabeza María Gómez Basanta, de Casa Fanego.
Como foi este cambio?
Foi un pouco de rebote. Había que renovar a directiva e optaron por que entraramos nela eu e outra compañeira, María Teresa Mariño, que é agora a tesoureira. Os outros integrantes xa estaban antes na directiva: son Regina Lamelas de vicepresidenta, Manuel Jesús Martínez de secretario e María José Polo e José Luis Rodríguez de vocais.
Teñen dous anos por diante. Cales son os seus obxectivos?
Collemos o colectivo con ilusión e imos seguir a