A asociación Hume presentará o día 12 a sexta edición da súa revista, que incluirá un informe sobre patrimonio local, un artigo musical e unha biografía dun médico da República, ademais dunha semblanza do murense Manuel Rigueira e a súa experiencia na emigración, e outro sobre o Camiño Real de Xermade.
manuel souto , durante anos o arquiveiro do Concello das Pontes, compatibiliza o seu traballo en Intervención coa súa afección pola investigación, que o levou a presidir hai un ano a asociación de estudos históricos Hume.
Cal é o obxectivo da entidade?
A recuperación da historia, tanto documental como oral, que é o que non fan as adminsitracións.
Algún proxecto en mente?
Empezamos un traballo de inventariado dos muíños do concello para que nun futuro poidan ser restaurados e sinalizados os camiños que conducen a eles.
Están coas Xornadas de Hume, as primeiras como presidente. Sinte máis responsabilidade?
(Sorrí). Si.E buscas un programa coa túa sensibilidade. Por iso, este ano as xornadas teñen outra orientación e dunha temática histórica pasan a outra socioeconómica.