O TEMPO 🌡 Lixeiro descenso das temperaturas e chuvascos ocasionais para este luns

As máximas non sufrirán cambios

Día de viento y lluvia. PEPE FERRÍN
photo_camera Día de choiva. PEPE FERRÍN

Un novo descenso aínda que lixeiro de temperaturas, esta vez das mínimas, e chuvascos ocasionais durante a tarde, son algunhas das notas do tempo previsto para este luns, por Meteogalicia.

O instituto meteorolóxico prognostica que Galicia estará baixo a influencia de baixas presións situadas ao oeste con ventos frouxos de compoñentes leste.

As temperaturas mínimas rexistrarán un lixeiro descenso mentres que as máximas seguirán sen cambios, para situarse nos seguintes valores:

A Coruña 12° 19°
Ferrol 10° 20°
Lugo 5° 18°
Ourense 7° 20°
Pontevedra 12° 22°
Vigo 13° 22°
Santiago de Compostela 9° 19°

Respecto ao mar, prognostica na costa Cantábrica vento do leste con forza 2 a 6, marusía ou forte marusía, visibilidade boa a regular e mar de fondo do noroeste, con ondas de 1,5 a 3,5 metros.

En Ferrol-Bares o vento será de leste e nordés con forza 3 a 6, con marusía a forte marusía, boa ou regular visibilidade e mar de fondo do noroeste, con ondas de 2 a 4,5 metros.
En Ártabro soprará vento de leste ou nordés con forza 2 a 4, con marusía, visibilidade boa a regular e mar de fondo do noroeste, con ondas de 2 a 4,5 metros.

Na costa da Morte haberá vento de leste a nordés con forza 2 a 4, marexada ou marusía, visibilidade boa a regular e mar de fondo do noroeste, con ondas de 2 a 4,5 metros.

Por último, nas rías Baixas prevé vento do leste tirando a variable con forza 1 a 3, marexada, regular ou boa visibilidade e mar de fondo do noroeste, con ondas de 2 a 4,5 metros. 

Comentarios