Lunes. 17.12.2018 |
El tiempo
Lunes. 17.12.2018
El tiempo

Larsson

''Mercou dous sofás do modelo Ikarlanda, de cor area, cinco butacas Poäng, de estrutura flexible, dúas mesiñas redondas lacadas de cor bidueira clara, unha mesa baixa de centro Svansbo e unhas cantas mesiñas auxiliares Lack (...). Completouno todo cun armario Pax Nexus, de tres portas e dúas pequenas cómodas Malm''.

Isto é o que Lisbeth Salandar, unha das personaxes de 'A moza que soñaba cun misto e cun bidón de gasolina', merca no Ikea de Kungens Kurka de Estocolmo no segundo volume da triloxía Millennium de Stieg Larsson. Tamén eu teño dúas pequenas cómodas Malm e unha barra auxiliar Lack mercadas no Ikea de Matosinhos.

A globalización tráenos os mesmos mobles dun best-seller mundial. Habítanos as casas, os lugares máis íntimos coa súa arquitectura e ofrécenos as mesmas miserias, terrores e alegrías cós seus protagonistas suecos. A literatura demóstranos que non somos tan diferentes. Que somos tan iguais.

Tamén, como un país vende e comunica a través dos libros e, neste caso, dos mobles. Como todo forma un conxunto exportable, unha imaxe de marca que repercute no plano cultural e tamén económico. Imaxinen Zara, Domingo Villar, Roberto Verino, Carlos Núñez, Cabreiroá, Blusens, Fina Casalderrey, Estrella Galicia. Algún día daremos ese paso.

Larsson
Comentarios