Katché mostró la versatilidad de su batería en el Festival de Jazz

Manú Katché amosou no Festival de Jazz a versatilidade da súa batería no concerto que ofreceu no Círculo das Artes de Lugo. A súa creatividade co instrumento brillou no directo e xustificou a longa relación de artistas do pop e do rock, a maiores, dos músicos de jazz aos que acompañou como profesional. A lista inclúe a Sting, Yossou N’Dour, Simple Minds, Dire Straits, The Bee Gees, Tracy Chapman, The Gipsy Kings, Al Dimeola.

Antes de sumar semellante currículo, era un músico de sesión en París. O seu xeito versatil de tocar chamou a atención do baixista de Peter Gabriel, Tony Levin, quen llo recomendou ao seu líder para a gravación de ‘So’, no ano 1986. A súa achega a ese álbum a xeito de particular groove serviu de chamada para ducias de colaboracións con músicos máis destacados dos sons populares contemporáneos. Manu, formado de neno como bailarín e de novo na percusión clásica nun conservatorio, atópase lonxe de ser un batería rudo. Ao contrario, ao ser unha persoa culta e sensible, introduce imaxinativos toques de percusión ás gravacións de rock para crear efectos dinámicos e un abano de texturas sonoras.

Adoita tocar utilizando a técnica ‘thumbs-up’ como percusión africana e en moitas ocasións fai soar golpes de aro sobre os seus timbais. Todo isto crea o seu distintivo e particular son.

O baterista, que non quixo facer declaracións durante o seu paso pola cidade da murallas, subiu ao escenario na compañía de Tore Brungborg, ao saxo; Alfio Origlio, ao piano, e Laurent Vernerey, ao baixo.