O doutor en Historia con raíces begontinas, José Manuel Blanco Prado, leva máis de dúas décadas entregado na recuperación histórica dos elementos patrimoniais típicos de Galicia a través do Grupo Carboeira, que publicou oito libros e promove roteiros pola Terra Chá
LEVA máis de dúas décadas entregado a recuperación histórica dos cruceiros, cruces, cristos e esmoleiros da Terra Chá. O filósofo e doutor en Historia José Manuel Blanco Pardo, con raíces no municipio chairego de Begonte, fai balance do labor desenvolvido polo Grupo Carboeira, ademais de repasar outros traballos nos que participou activamente e que permiten que hoxe en día teñamos unha visión máis próxima da arte popular e ancestral galega.
Como xurdiu a idea de poñer en marcha o Proxecto Carboeira?
No ano 1993, Fernando Arribas, xestor do Museo Provincial de Lugo, e un servidor, decidimos acometer unha tarefa ardua e complexa como era a de inventariar e catalogar todos os cruceiros da comarca chairega.
Cales foron as súas motivacións?
Naquel intre as únicas informacións que había sobre os cruceiros da Terra Chá eran breves traballos. Por tal motivo, conscientes da carencia de información neste ámbito decidimos emprender este labor ao que se
