O cocido é o prato forte de Baleira. No inverno atrae centos de persoas, sérvese en todos os restaurantes e quen o proba repite.
os cocidos de Baleira gañaron fama a fogo lento. José Antonio Pérez, cociñeiro por tradición familiar, explica as razóns dese mérito que, como o bo sabor, é difícil de esquecer para quen o proba.
Que ten o cocido de Baleira para ser especial?
O produto natural. Facémolo con porcos criados na casa. Desde os catro meses sabemos que están alimentados con produtos naturais, non proban o penso, e por iso a carne ten garantía de calidade e sabe mellor. Os embutidos tamén son elaborados e curados na casa.
E o que non é carne?
Colleitamos todo. Desde as verduras e as patacas ata o viño e os licores, que tamén os facemos nós.
Entón, as sobremesas serán caseiras e o café, de pota.
Por suposto.
Á marxe da importancia da materia prima, tamén influirá a man do cociñeiro, non?
Facer un cocido non ten moita ciencia, o máis importante é saber seleccionar unha boa materia prima.
