Luis Iglesia e Xabier Deive, coñecidos pola serie ‘Matalobos’, están inmersos na obra teatral ‘Sede de mal’, unha comedia chea de retranca e maldade
Son coñecidos polo seu papel na serie ‘Matalobos’. Como xurdiu esta unión no teatro?
Luis: Pois xurdiu, como non podería ser doutro xeito, nunha xuntanza ‘matalobiana’. Todos os anos nos reuníamos en Mera xente de toda Galicia e incluso de Madrid para falar da serie. Un ano Xabier e eu montamos un espectáculo improvisado e a xente pasouno moi ben e riuse moito, e dende aquela empezou todo o proceso de creación desta obra. O ano pasado fixemos unha preestrea e xa en xaneiro deste ano empezamos coa produtora Boneca Lareta a difusión deste espectáculo.
