Tradutor, investigador e director do proxecto Gaelaico, Martín Fernández profunda nas orixes da lingua galega e busca as súas conexións co idioma gaélico
Como nace o proxecto Gaelaico?
É un proxecto que comezou hai uns sete ou oito anos. Entre un grupo de amigos tiñamos certas inquedanzas do que se publicaba sobre a xenética, as relacións que existían entre os pobos da Europa atlántica... e, ao ver que coincidían coas das linguas celtas que se falaban aolongo da costa atlántica, empezamos a investigar, a falar con xente de Irlanda, con escoceses, para ir acumulando datos e seguir investigando. Hai un ano e medio, decidimos facer públicas as nosas investigacións.
Que pretende demostrar cos seus proxectos de investigación?
O que máis importancia ten é o léxico galego, porque nel hai recollidas moitísimas palabras de orixe gaélica e outras moitas de orixe celta. Hai xente á que lle custa moito aceptar que exista unha unión histórica entre Galica, Irlanda e Escocia. Entón, temos que seguir traballando pouco a pouco para dar convencido esa xente.
Por que razón
